تحشيش عراقنا

[ابن الرافدين الحر]

هذا واحد مخابر شركه عراقنا بس شلون واحد اوووووووووووف
وغغغغغغف
ترررررررررررررررررررررن تررررررررررررررررن
مرحبا بكم في خدمة شركة عراقنا للهاتف النشال: اي شي تريده كول بس ايكلفك والله لان اكو موظفة حامل و دا انلمها فلوس قابلة مأذونة و موظف بالشركة انباكت سيارته و دا انلملة على 250 يشتري حجلة ستيرن يمنة مصبوغة حزام ناسف لهذا ماكو خدمة مدفوعة مسبوقا و اذا ما عندك عوف الموبايل تأمينات او ذب الشحاطة و بعدين ادفع
و لكن بعد سماعك هذه النغمة
انا عريجة واركب عال ماطور
اهوووو هاي من هسة كامو يحششون براسي بسيطة خلي تجي الموظفة اللا ادمرها
شعلت جكارة سومر اف ام العفو قصدي سومر ابو الجيس تتن 5 سيسي عبوة صغيرة و كعدت احرك الة ان تجي الموظفة الظاهر نايمة ببيتهم و كللولها اكو عامل قصدي عميل عال تلفون المهم نفضت نص الباكيت و رحت غسلت وجي و حددت السكسوكة بمكينة الثيل و لعبنا طوبة براس الفرع و خسرنا 12-7 يللا جتي الموظفة
-الوووو شركة عراقنا اتفضلو؟؟؟
- مرحبا خالة
- خالة شنو؟
- احتراما غير؟ لعد شكلج حجية؟؟؟ شخبار الاشعة مال الروماتيز؟
- شنووو؟ اخوية انتة المن طالب؟
- طالب القرة غللي
- اخوية المن رايد؟
- مالعفو مو افران ابو نهاوند للغسيل الجايف؟ العفو الجاف؟
- اخي يا جاف؟؟
- لعد؟؟ رصاص؟؟
- شنووو؟؟؟
- رصاص لو رعمبة؟خخخخخخخخخخخ
- شنووو؟؟؟ اخي هنا شركة عراقنا اتفضل؟؟
- عيني ممكن اخابر على بصرتنا؟؟
- شنوو؟
- انتو مو عراقنا يعني كل محافظتنا جزء منكم ممكن اخابر بيت عيالي ب ناصريتنا؟؟
- اخوية انتة فايخ الظاهر
- اي والله فايخ و راسي دا يوجعني يمكن حامل
- حامل؟؟
- حامل كرزاي خخخ خوش رئيس ترة
- اخي ال اخر مرة اكلك شركة عراقنا مال موبايلات هنا
- اببيش الدمعتين؟؟
- شنووو؟؟؟
- مو شركة مال موبايلات؟ خخخ حلوة ,,,حلوة الرشيد هع هع
- اخي عزيزي ,, عزيزي رجاءا هنا شركة خدمات للزباين
- زباين شنو شنو حلاق؟؟؟ اببيش تحديد الزلف يمكم؟بعدين شجلبتيلي مال عزيزي عزوز مدري شنو شنو مخابر على الف باء اني؟؟؟
- اخي ال اخر مرة اتفضل؟
- لا تسلمين توني متغدي مركة فشافيش و حلاوة مال كركم و لفة تمن و اذا ما حلوة مال توني متغدي ف توني بلير
- لفة تمن؟؟؟
- اي تمن يروح البيتة
- راح اسد التلفون بوجك
- لالا مو زين عليه اموت احتمال
- ليش؟
- مو مسوي عملية بخشمي
- ليش يمة؟
- مو هلكد ما ادخل خشمي بشغلات ما اتخصني انفطر و الطبيب لحمليا باللحيم بعجين
- شنو؟
- منو؟
- اخي ترة دا اتعطلني و دا اتعطل العالم
- شنو دا اعطل العالم؟ دا اشتغل حفريات بالشركة لو دا ابلط ؟؟؟ اختي اني ضمير متصل
- شنووو؟؟
- العفو قصدي متصل علمود
- اييي علمود شنو؟؟؟
- علمود مال كهرباء هههه
- هههههههههههه
- اخيرا ضحكتي؟؟؟ و كبر على هال ضحكة جنها عبوة دا تتريع
- كبر عليك انتة ادبسز فضها شتريد؟
- فضها لو ذهب؟
- اخي شتريد؟؟؟
- شتريد بانية؟خخخخخخخخخ
- شنو خخخخ دا تتغرغر؟؟
- اي مو بيتنا يم تمثال الغريري هع هع هع
- ترة طولت وياك هواية
- اي من حبك طول وياك شكد طولتي يعني مترين؟؟؟ عود
- عود شنو؟؟
- عود مال شخاط
- لك والله لو هسة كدامي جان خابرت الشرطة عليك
- شرطة عدس؟؟؟ شرطة طماطة؟؟؟ بعدين اني اللي راح اخابر الشرطة مو انتي
- ليش يمممة؟
- اشوف لعبتهم باجر لو عكبة هاي شبيج؟
- اخي رجاءا رجاءا ما اريد اسد الخط بوجك
- اختي ممكن اعرف انتي ليش ضايجة؟؟؟
- راح اسمعك غير حجي ترة
- ترة و كتبه هاهاها
- هههههههههه شكد سخيف يا ربي
- اكووول انتي اكو قشمر بحياتج؟؟؟
- شنووو؟؟
- اكو احد كايلج نجيكم اني و الاهل بال 6 علمود موضوع خاص وية الاهل؟
- لالا ليش ناوي تجي بال 6 حضرتك الكسيف؟
- لا طبعا
- بيش يمة؟
- مو ساعتي خربانة كايم بيها الميل مال الثواني لازم افرمت
- شنوووووووووو؟؟؟؟؟؟؟
- لا هيج هيج هراتي
- اخوية الظاهر العيني و الاغاتي ما يفيد وياك
طررااااااااخ
انسدت السماعة


هسة اني شكايل شحاجي بعدنا بسم الله
جنت رايد اسألها عندي خط عراقنا يصير اسوي خط باب الشرجي-علاوي و ادفع الفرق من الكروة؟؟؟؟
هاهية
بشرفكم بيها شي؟؟؟؟؟؟؟؟؟؟؟؟
ها بشرفكم بيها شي؟؟؟؟؟؟؟؟؟؟؟؟؟

[نور العبدلي]

ههههههههههههههههههههههههههه غير حديقه هذا يالله اني ضجت ههههههههههههههه شكررررااا ابن الرافدين الحر تحييااتي نووور