مصلاوي زاخولي
04-14-2008, 10:28 PM
السبت,أيلول 22, 2007
جوله في صحف الامس
بعد استقبالي لمجموعه من الاهانات المتتاليه مثل( شكد عجوزي..تنبل) قررت اشد حيلي وابدي بحمله لترتيب غرفتي . الي علساس (مبهذله) حسب ادعاءات الاهل. بس حقهم يكولون مبهذله لانه همه ناس عاديين ميوصلون المستوى تفكير المهندس المعماري(اقصد حضرتي). يعني همه ميدرون اني متقصد احط الكرسي فوك الميز (تناقض علساس) وميدرون اني متقصد ما ارتب الفراش (لاضافه الحركيه للغرفه)وميدرون متقصد اسحب الكنتور واحطه ابنص الغرفه (هيمنه وتحقيقا للوحده) . ويعني تره اني متعمد اسوي هاي الشغلات حتى احقق كل مبادئ العماره الي اتعلمتها واسوي الغرفتي فد (كونسيبت) ينطلع بيه... مو عبالكم صدك عجوزي..لا والله شبيكم.(ما ادري ليش اشو دا احسكم مدا اتصدكوني)
هسه المهم بدات عمليات التمشيط مع (بزوغ الفجر) واستهدفت في البدايه المناطق الساخنه وخاصه (جوه الجربايه) لتطهيرها من (العناصر الفاسده) .... وبهاي الاثناء لكيت صندوق كارتون مترب (متهرئ يعني) بيه مجموعه من المجلات واني (اخرب واتكهرب) بس اشوف مجله .وهاي المجلات جنت(محوسمها) من انكتل الحلاق الي ابراس فرعنا. جنت كاعد دا انتظر دوري بلزيان ونضرب الحلاق شاجورين. والناس كلها انبطحت. واني راسا جيتت على المجلات اخذتها وانهزمت وكلت (يله بعد شيسوي بيها الحلاق) وطبعا كلش كيفت وتونست ابيومها.... وطبعا هذه الحادثه هيه سبب (كفشتي). في تلك الايام
(نرجع للزمن الحاضر)
اني راسا فرشت (جمبرت) وكعدت اكلبها (المجلات) وحده وحده الا ان لكيت مجله (الف باء) صادره ابسنه 2000 وبقيت اقره بيها الا ان وصلت الى صفحه المحليات الي تنشر شكاوي المواطنين ومتصدكون اشكد جانت الشكاوي تافهه ابذيج الايام مثل...
*المواطن يشكووو....القنينه 750 دينار
*مواطن يشكو..........الكهرباء تنطفي ست ساعات ابمنطقتنا
*مواطن يشكو.........البلوجكتر احترك والبلديه مدا اتصلحه والمنطقه تعيش في ظلام دامس
*متخرج يشكو (بس متخرج واحد).. اشو متعينت
وطبعا هاي جانت احلى شكوى. ولا... من كل عقله ناشرها بلمجله
المهم اتحسرت وبقت اقره بلعناوين الى ان طلعلي عنوان صدمني وفاجئني ...عنوان مكتوب بلخط العريض
ــــــــــــــــــــــــــــــــــــــــــــــــــ ــــــــــــ
طائفيه .....ام تعصب
ــــــــــــــــــــــــــــــــــــــــــــــــــ ـــــــــــــــــ
طبعا اني من يمي كمزت ..كلت شنووووووووووووو......لا والله ......من ذاك الوكت اكو هيجي مواضيع. وبسرعه نزلت عل موضوع( اكلتها الصفحه اكل) اريد افتهم شنو القصه....
وطلع الموضوع عباره عن لقاءات ويه مجموعه اشخاص يشرحون بيها سوالف معينه. وراح انطيكم الملخص ..................
واحد يكول....والله اني حبيتها البنيه ورحت دا اخطبها وابوها شافني و وافق عليه .بس عن طريق الصدفه ومن عرف اني اشجع الزوراء كام وكف وصاح ؛ اني اموت ولا انطي بنتي الزورائي. وطردني بره
ولاخ يكول........ الموظف مقبل يمشي معاملتي من شافني لابس (دريس )الجويه.
والثالث يكول....طلعولي ثنين من مشجعيه الزوراء واعتدوا عليه.
والرابع والخامس والسادس .هسه هذا مو موضوعنا.........
بس احب اكللكم..........
هاااااااااااااااااااااااااااااااااااااااااااااا (عيني عيني) .... اتقولون ماكو طائفيه جان بلعراق
وتبلوها ابراس الامريكان (المساكين الابرياء) وتقولون همه جابولنا الطائفيه
لازم نسيتوا الحرب الطائفيه بين
الزوراء والجوية
وطبعا اول مفتهمت الموضوع خربت ضحك وكلت هذا الصحفي شكد (فطير) خبلني وخلاني اكمز طلع على مود هل شغله .وينه هسه خل يجي يشوف الوضعيه
وبقيت ابحسرتي وكلت (ااااااااااااااااايه دنيا).
وتخيلت نفسي دا امشي بلشارع وتطبك يمي سياره وينزلون منها مسلحين يضربون طلقات بلهوه ويصعدوني بلصندوق .
وامي اتصيح ...ياسر...ياسر وينك يمه
ويحبسوني بغرفه سوده ويربطوني بكرسي ويجيني واحد شايل كلاشنكوف ويقولي.......
شتشجع زوراء لو جوية
(وطبعا اني تقريبا فاقد الوعي من شده التعذيب واريد احجي وما اكدر)
اااانننننننني.................... ااااااننننننييي
لك احجي شتشجع زوراء لو جوية
اااااانيي...... اااانييي.......
اني اشجع كل المنتخب العراقي
وطبعا ابو الكلاشنكوف يصير عصبي
و
طااااااااااااااااااااااااااااااااااااااااااااااااا اااااااااااااااااااااااااااااخ
..
..
..
..
تره (الطاخ) مو صوت الطلقه الي تطلع بلدعايه
.
هذا صوت الكنتور دا اسحبه وكع وصار ميتين وصله
وراحت (الهيمنه )كلها
.
اوووي تعبت شيلم هل هوسه
.
عزززززززززززه
هسه شنون
جوله في صحف الامس
بعد استقبالي لمجموعه من الاهانات المتتاليه مثل( شكد عجوزي..تنبل) قررت اشد حيلي وابدي بحمله لترتيب غرفتي . الي علساس (مبهذله) حسب ادعاءات الاهل. بس حقهم يكولون مبهذله لانه همه ناس عاديين ميوصلون المستوى تفكير المهندس المعماري(اقصد حضرتي). يعني همه ميدرون اني متقصد احط الكرسي فوك الميز (تناقض علساس) وميدرون اني متقصد ما ارتب الفراش (لاضافه الحركيه للغرفه)وميدرون متقصد اسحب الكنتور واحطه ابنص الغرفه (هيمنه وتحقيقا للوحده) . ويعني تره اني متعمد اسوي هاي الشغلات حتى احقق كل مبادئ العماره الي اتعلمتها واسوي الغرفتي فد (كونسيبت) ينطلع بيه... مو عبالكم صدك عجوزي..لا والله شبيكم.(ما ادري ليش اشو دا احسكم مدا اتصدكوني)
هسه المهم بدات عمليات التمشيط مع (بزوغ الفجر) واستهدفت في البدايه المناطق الساخنه وخاصه (جوه الجربايه) لتطهيرها من (العناصر الفاسده) .... وبهاي الاثناء لكيت صندوق كارتون مترب (متهرئ يعني) بيه مجموعه من المجلات واني (اخرب واتكهرب) بس اشوف مجله .وهاي المجلات جنت(محوسمها) من انكتل الحلاق الي ابراس فرعنا. جنت كاعد دا انتظر دوري بلزيان ونضرب الحلاق شاجورين. والناس كلها انبطحت. واني راسا جيتت على المجلات اخذتها وانهزمت وكلت (يله بعد شيسوي بيها الحلاق) وطبعا كلش كيفت وتونست ابيومها.... وطبعا هذه الحادثه هيه سبب (كفشتي). في تلك الايام
(نرجع للزمن الحاضر)
اني راسا فرشت (جمبرت) وكعدت اكلبها (المجلات) وحده وحده الا ان لكيت مجله (الف باء) صادره ابسنه 2000 وبقيت اقره بيها الا ان وصلت الى صفحه المحليات الي تنشر شكاوي المواطنين ومتصدكون اشكد جانت الشكاوي تافهه ابذيج الايام مثل...
*المواطن يشكووو....القنينه 750 دينار
*مواطن يشكو..........الكهرباء تنطفي ست ساعات ابمنطقتنا
*مواطن يشكو.........البلوجكتر احترك والبلديه مدا اتصلحه والمنطقه تعيش في ظلام دامس
*متخرج يشكو (بس متخرج واحد).. اشو متعينت
وطبعا هاي جانت احلى شكوى. ولا... من كل عقله ناشرها بلمجله
المهم اتحسرت وبقت اقره بلعناوين الى ان طلعلي عنوان صدمني وفاجئني ...عنوان مكتوب بلخط العريض
ــــــــــــــــــــــــــــــــــــــــــــــــــ ــــــــــــ
طائفيه .....ام تعصب
ــــــــــــــــــــــــــــــــــــــــــــــــــ ـــــــــــــــــ
طبعا اني من يمي كمزت ..كلت شنووووووووووووو......لا والله ......من ذاك الوكت اكو هيجي مواضيع. وبسرعه نزلت عل موضوع( اكلتها الصفحه اكل) اريد افتهم شنو القصه....
وطلع الموضوع عباره عن لقاءات ويه مجموعه اشخاص يشرحون بيها سوالف معينه. وراح انطيكم الملخص ..................
واحد يكول....والله اني حبيتها البنيه ورحت دا اخطبها وابوها شافني و وافق عليه .بس عن طريق الصدفه ومن عرف اني اشجع الزوراء كام وكف وصاح ؛ اني اموت ولا انطي بنتي الزورائي. وطردني بره
ولاخ يكول........ الموظف مقبل يمشي معاملتي من شافني لابس (دريس )الجويه.
والثالث يكول....طلعولي ثنين من مشجعيه الزوراء واعتدوا عليه.
والرابع والخامس والسادس .هسه هذا مو موضوعنا.........
بس احب اكللكم..........
هاااااااااااااااااااااااااااااااااااااااااااااا (عيني عيني) .... اتقولون ماكو طائفيه جان بلعراق
وتبلوها ابراس الامريكان (المساكين الابرياء) وتقولون همه جابولنا الطائفيه
لازم نسيتوا الحرب الطائفيه بين
الزوراء والجوية
وطبعا اول مفتهمت الموضوع خربت ضحك وكلت هذا الصحفي شكد (فطير) خبلني وخلاني اكمز طلع على مود هل شغله .وينه هسه خل يجي يشوف الوضعيه
وبقيت ابحسرتي وكلت (ااااااااااااااااايه دنيا).
وتخيلت نفسي دا امشي بلشارع وتطبك يمي سياره وينزلون منها مسلحين يضربون طلقات بلهوه ويصعدوني بلصندوق .
وامي اتصيح ...ياسر...ياسر وينك يمه
ويحبسوني بغرفه سوده ويربطوني بكرسي ويجيني واحد شايل كلاشنكوف ويقولي.......
شتشجع زوراء لو جوية
(وطبعا اني تقريبا فاقد الوعي من شده التعذيب واريد احجي وما اكدر)
اااانننننننني.................... ااااااننننننييي
لك احجي شتشجع زوراء لو جوية
اااااانيي...... اااانييي.......
اني اشجع كل المنتخب العراقي
وطبعا ابو الكلاشنكوف يصير عصبي
و
طااااااااااااااااااااااااااااااااااااااااااااااااا اااااااااااااااااااااااااااااخ
..
..
..
..
تره (الطاخ) مو صوت الطلقه الي تطلع بلدعايه
.
هذا صوت الكنتور دا اسحبه وكع وصار ميتين وصله
وراحت (الهيمنه )كلها
.
اوووي تعبت شيلم هل هوسه
.
عزززززززززززه
هسه شنون