مشاكس الكراده
01-01-2008, 02:10 PM
كلكم اتعرفون الحرب العالميه الثانيه تقريبا بل 1935 اي اني جان بوكتها عمري 24 سنه وستوني مخلص جكاير و كبسله
المهم كاعد بل بيت دا العب بلي ستيشن 2 دك الموبايل مالتي (اي لا تتعجبون اني من ذاك الوكت عندي موبايل جان نوع نوكيا ن-564 اب وكتها جان بل سالب ) اي
اكمللكم
دك الموبايل جنت حاط نغمه مال هيفاء بوس الواوا شلته طلع رئيس الجمهوريه مال روسيا كلي وليدي اسفين عل ازعاج بس الوضعيه حيل عاويه والجيش نصه راح بل زلك محتاجيك حيل اني صفنت اتذكرت ايام الطفوله
من جنت العب دعابل اب روسيا ويه ابن الوزير والله كتله عمو اب بطن عيني هسه بس افول المولده التايكر للبيت واجيكم
والله ترست المولده و جيكت الدهن و اخذت البايسكل مالتي ذبيته (دي) وقبطت سكليتر وين عله الخط السريع مال حله كربله
ومناك كلت اخذ يمنه عله روسيا والله نص ساعه اني اب نص موسكو بس شحجيلكم بارده ثلج شغلت التدفئه مال البايسكل و صعدت الجامات
والله كلتلهم وين بيت رئيس الجمهوريه كلولي اب قطاع 20 يم مرطبات (علاوي جرثومه) وصلت دكيت الباب طلع ابو مصطفى (ابن الرئيس الروسي اسمه مصطفى مو مرته من الديوانيه ) خطيه الرجال حالته جانت زفت حضني كلي الله جابك
كتله خير عمو كال هيج وهيج السالفه والالمان طبو بينه هدف كتله عمو صدك جذب اني موجود و هيج يصير كتله اوكي اني رايح منا اليومين انشالله تسمع خير
طلعت رحت عله ولد اعرفه اب روسيا اسمه( قاسم موس) هذا شقاوه مال بغداد جان و صديقي روح بل روح كتله قسومي هيج وهيج الفلم اريد اسلحه كلي تدلل شتريد كتله اريد 65 صاروخ ارض ارض
و34 صاروخ ارض مي اقصد ارض جو و 89 بي كي سي و فد 6784 رمانه يدويه و54564لغم منوع بين مضاد للبشر و مضاد للدبابات
والله حطلي اياهم اب علاكه اخذتهن و عدل وكبل للجبهه وين بل خطوط الاماميه ما اجذب عليكم الوضعيه صدك داجه (يعني تعبانه) بس اني اخوكم خوما اخاف لا يابه لا كلتلهم للجنود انتو لمو جوالاتكم و رجعو للبيت مالكم علاقه السالفه يمي صارت
باوعت يمنه يسره شحجيلكم بل 564674534 جندي الماني و كل واحد راكب دبابه منفيس حديث بس اني تعرفوني سبع نصبت الصواريخ عله جتفي وصيحت اني الكم طبا طبا طاخ طاخ طاخ الزكه جيبه ودي الله اصلخه الطمه (هاي موسيقه تصويريه) والله صفيتهم بقه بس 7 جنود و دبابتين واني باقيلي رمانه و علج ابو السهم شسويت ؟ لزكت العلج ابو السهم بل رمانه و شمرتها عل دبابه لزكت بيها و جان تنفجر بقت دبابه وحده ركضت عليها
وبيدي قلم ابو النبالات (لحد يكلي من جبته هوه اجه) والله بل قلم كطعت السرفه (التايرات مال الدبابه) وكفت كمزت عل قماره فتحت الباب نزلتهم بيدي واخذتهم اسرى
طبعا وره ما هيج سويت اجه الرئيس الروسي وباسني من راسي و كلي وليدي انته اقوه من كرندايزر والله كتله لا عمو ما سويت شي اني عادي وانطاني هديه سياره لاده بعدها ما ماشيه بل جيس و اشترولي بنطرون كتان اصلي من الصين درجه اولا وبوتين اديداس ابو العلامه
ورجعت للبيت وشغلت المولده و كعدت اتفرج عدنان ولينا
المهم كاعد بل بيت دا العب بلي ستيشن 2 دك الموبايل مالتي (اي لا تتعجبون اني من ذاك الوكت عندي موبايل جان نوع نوكيا ن-564 اب وكتها جان بل سالب ) اي
اكمللكم
دك الموبايل جنت حاط نغمه مال هيفاء بوس الواوا شلته طلع رئيس الجمهوريه مال روسيا كلي وليدي اسفين عل ازعاج بس الوضعيه حيل عاويه والجيش نصه راح بل زلك محتاجيك حيل اني صفنت اتذكرت ايام الطفوله
من جنت العب دعابل اب روسيا ويه ابن الوزير والله كتله عمو اب بطن عيني هسه بس افول المولده التايكر للبيت واجيكم
والله ترست المولده و جيكت الدهن و اخذت البايسكل مالتي ذبيته (دي) وقبطت سكليتر وين عله الخط السريع مال حله كربله
ومناك كلت اخذ يمنه عله روسيا والله نص ساعه اني اب نص موسكو بس شحجيلكم بارده ثلج شغلت التدفئه مال البايسكل و صعدت الجامات
والله كلتلهم وين بيت رئيس الجمهوريه كلولي اب قطاع 20 يم مرطبات (علاوي جرثومه) وصلت دكيت الباب طلع ابو مصطفى (ابن الرئيس الروسي اسمه مصطفى مو مرته من الديوانيه ) خطيه الرجال حالته جانت زفت حضني كلي الله جابك
كتله خير عمو كال هيج وهيج السالفه والالمان طبو بينه هدف كتله عمو صدك جذب اني موجود و هيج يصير كتله اوكي اني رايح منا اليومين انشالله تسمع خير
طلعت رحت عله ولد اعرفه اب روسيا اسمه( قاسم موس) هذا شقاوه مال بغداد جان و صديقي روح بل روح كتله قسومي هيج وهيج الفلم اريد اسلحه كلي تدلل شتريد كتله اريد 65 صاروخ ارض ارض
و34 صاروخ ارض مي اقصد ارض جو و 89 بي كي سي و فد 6784 رمانه يدويه و54564لغم منوع بين مضاد للبشر و مضاد للدبابات
والله حطلي اياهم اب علاكه اخذتهن و عدل وكبل للجبهه وين بل خطوط الاماميه ما اجذب عليكم الوضعيه صدك داجه (يعني تعبانه) بس اني اخوكم خوما اخاف لا يابه لا كلتلهم للجنود انتو لمو جوالاتكم و رجعو للبيت مالكم علاقه السالفه يمي صارت
باوعت يمنه يسره شحجيلكم بل 564674534 جندي الماني و كل واحد راكب دبابه منفيس حديث بس اني تعرفوني سبع نصبت الصواريخ عله جتفي وصيحت اني الكم طبا طبا طاخ طاخ طاخ الزكه جيبه ودي الله اصلخه الطمه (هاي موسيقه تصويريه) والله صفيتهم بقه بس 7 جنود و دبابتين واني باقيلي رمانه و علج ابو السهم شسويت ؟ لزكت العلج ابو السهم بل رمانه و شمرتها عل دبابه لزكت بيها و جان تنفجر بقت دبابه وحده ركضت عليها
وبيدي قلم ابو النبالات (لحد يكلي من جبته هوه اجه) والله بل قلم كطعت السرفه (التايرات مال الدبابه) وكفت كمزت عل قماره فتحت الباب نزلتهم بيدي واخذتهم اسرى
طبعا وره ما هيج سويت اجه الرئيس الروسي وباسني من راسي و كلي وليدي انته اقوه من كرندايزر والله كتله لا عمو ما سويت شي اني عادي وانطاني هديه سياره لاده بعدها ما ماشيه بل جيس و اشترولي بنطرون كتان اصلي من الصين درجه اولا وبوتين اديداس ابو العلامه
ورجعت للبيت وشغلت المولده و كعدت اتفرج عدنان ولينا