صائدالقلوب
09-07-2007, 09:06 PM
[RIGHT]هلوووووووووووو موتوووووووووووووووووووو
كل بيت بيه حمام للغسل وطبعا كل واحد بيكم يغسل ويسبح يعني هاي حقيقه
لا تنكروها لانه اذا نكرتها يعني انت اجرب وسخ قاذورات اني متاكد
انكم تغسلون بالحمام ماراح اكولكم اني ذكي وشاطر واعرفها وهي طايره
بس اني معلوماتي واطلاعاتي والخبره الي حصلتها خلال مسيرة حياتي عرفت
انه انتم تغسلون بالماي واني متاكد بالماي تغسلون وبالحمام بالتحديد لا تحاول
المراوغه وتكلي اني اغسل بدون الماء راح اناقشك الى ان تقتنع انه انت تغسل بالماء
طبعا الغسل ولو مره بالسنه مفيد الى الانسان اولا راح يتيح لك الفرصه للتعرف
على اجزاء جسمك جميعها وراح تعرف شبيك اصابات والاهم من
هذا راح تتعرف على اشياء جديده بحياتك وهي الصابونه والليفه والدوش والبانيو
والطاسه والبوري والحجارة السوده بالنسبه للنساء الي تفرك بيها جعب رجليها الي
كله افطور يختل بيه العقرب
الموضوع مو هنا مو على الغسل والفوائد منه انما الموضوع فني سياسي راح تكلي شلون
راح اكلك لا تقاطعني تره الزكك بالليفه على ظهرك خلي اكمل كل واحد مرات من يفوت
يسبح ويعسل راح يدندن بالحمام نعم لانه صوته بالحمام يصير حلو وكذلك اجواء الماء
والبخار راح تنطيه واهس يدندن وهنا اريد اعرف شنو الي ادندن بيه من تغسل وهذا الجانب
الفني
الجانب السياسي والديني الناس انواع ومختلف الاذواق يعني عندك مثلا ام سعدون
هاي وين التخاع عبرته هماتين وصلت للبطانه مال المعده هاي من تفوت
ادندن لكل انتاجات باسم الكربلائي وتكعد تبجي وتلطم وماتعرف زخات دموعها من زخات الدوش
وعيني الماي ينزل وهي تلطم اللطم راح تصير لسعه المهم من تخلص الغسل
تطلع من الحمام حمره ودرجه الحراره الف وسيارة الاسعاف بره تاخذها الى المستشفى يسولوها
زراعة قلب واغير بشره من جلديه الى شمواه جكليتي المهم صارت قبل ماتفوت للحمام تخابر
الاسعاف تكلهم راح افوت اسبح الاسعاف وره ساعه يمها واكفين بالشياله وره باب الحمام
ينتظرون ام سعدون تطلع وره انتهاء عملية الزرع بالمستشفى يكولولها نعيما
عندك الي يغسلون بالعراق هسه من يفوت للحمام يدندن باغاني كلها قهر وكابه وحزن
ليش لانه الماي ضعيف وكل المياه بالعالم لا لون ولا طعم بس بالعراق الماء اله لون
الطين ورائحة المجاري والزفره ويكعد يغسل ويدندن (( محاني محاني بجيت وصارت
ظلوعي صارن اظلوعي محاني انحنن يادنيا كل مشي وياي محن محاني كتب لاهل الجذب
واني محالي بسعه ذبهم واني ظاكت عليه عشت بالحمام عبالك مأتم ولا من شاف الماي ينكط
والخيسه صارت انهار اه اه حسبت الماي ينظفني اثاري الماي يرادله ماي ماي هنياله الي
يغسل بالاردن وسوريا يابويه ويا يابه بعد ماضل لا عجيب ولا غرابه وجثير من العراقين علينه صاروا اذيابه اه يايابه عبالي الحكومه تجيب صابون الدوف يايابه اشو بقينه على الحصه وبعد
ماكو لا وغف ولا نظافه ولابوك ولابو القهر لابوك لابو الي ترجى حنانك لابوك ))
اما العراقي في اوربا وامريكا من يفوت للحمام يدندن يكول (( الدنيا ربيع والجو بديع
قفلي على كل المواضيع مفيناش تاني تاني تاني ايه ده الدنيا ربيع والدنيا حلوه سلامتها حلوه
احنا الي نصوغ معانيها )) عيني والماي ينزل على جسمه عبالك ماي ورد وصبلي من دوشك ماي
ورد حاظر ياعمري ومستعد
هسه نريد نعرف من الاعضاء من يفوت للحمام شنو يدندن اني من افوت طبعا الحمام مالي رومانسي مابيه كلوبات كله شمعدان مال شموع والبانيو صح مزروف بس لونه وردي يخبل
والصابونه مالتي بيها نقشه مال فالنتاين والليفه قماش كودري مشجر احمر والدوش مالتي
مايطلع ماي كله عصير برتقال وكوكتيل فواكه
اني ادندن دائما اغنيه دالي عوفني رحمه على ابيك
لو حسام الرسام اله ابجيها :z07: :z025:
كل بيت بيه حمام للغسل وطبعا كل واحد بيكم يغسل ويسبح يعني هاي حقيقه
لا تنكروها لانه اذا نكرتها يعني انت اجرب وسخ قاذورات اني متاكد
انكم تغسلون بالحمام ماراح اكولكم اني ذكي وشاطر واعرفها وهي طايره
بس اني معلوماتي واطلاعاتي والخبره الي حصلتها خلال مسيرة حياتي عرفت
انه انتم تغسلون بالماي واني متاكد بالماي تغسلون وبالحمام بالتحديد لا تحاول
المراوغه وتكلي اني اغسل بدون الماء راح اناقشك الى ان تقتنع انه انت تغسل بالماء
طبعا الغسل ولو مره بالسنه مفيد الى الانسان اولا راح يتيح لك الفرصه للتعرف
على اجزاء جسمك جميعها وراح تعرف شبيك اصابات والاهم من
هذا راح تتعرف على اشياء جديده بحياتك وهي الصابونه والليفه والدوش والبانيو
والطاسه والبوري والحجارة السوده بالنسبه للنساء الي تفرك بيها جعب رجليها الي
كله افطور يختل بيه العقرب
الموضوع مو هنا مو على الغسل والفوائد منه انما الموضوع فني سياسي راح تكلي شلون
راح اكلك لا تقاطعني تره الزكك بالليفه على ظهرك خلي اكمل كل واحد مرات من يفوت
يسبح ويعسل راح يدندن بالحمام نعم لانه صوته بالحمام يصير حلو وكذلك اجواء الماء
والبخار راح تنطيه واهس يدندن وهنا اريد اعرف شنو الي ادندن بيه من تغسل وهذا الجانب
الفني
الجانب السياسي والديني الناس انواع ومختلف الاذواق يعني عندك مثلا ام سعدون
هاي وين التخاع عبرته هماتين وصلت للبطانه مال المعده هاي من تفوت
ادندن لكل انتاجات باسم الكربلائي وتكعد تبجي وتلطم وماتعرف زخات دموعها من زخات الدوش
وعيني الماي ينزل وهي تلطم اللطم راح تصير لسعه المهم من تخلص الغسل
تطلع من الحمام حمره ودرجه الحراره الف وسيارة الاسعاف بره تاخذها الى المستشفى يسولوها
زراعة قلب واغير بشره من جلديه الى شمواه جكليتي المهم صارت قبل ماتفوت للحمام تخابر
الاسعاف تكلهم راح افوت اسبح الاسعاف وره ساعه يمها واكفين بالشياله وره باب الحمام
ينتظرون ام سعدون تطلع وره انتهاء عملية الزرع بالمستشفى يكولولها نعيما
عندك الي يغسلون بالعراق هسه من يفوت للحمام يدندن باغاني كلها قهر وكابه وحزن
ليش لانه الماي ضعيف وكل المياه بالعالم لا لون ولا طعم بس بالعراق الماء اله لون
الطين ورائحة المجاري والزفره ويكعد يغسل ويدندن (( محاني محاني بجيت وصارت
ظلوعي صارن اظلوعي محاني انحنن يادنيا كل مشي وياي محن محاني كتب لاهل الجذب
واني محالي بسعه ذبهم واني ظاكت عليه عشت بالحمام عبالك مأتم ولا من شاف الماي ينكط
والخيسه صارت انهار اه اه حسبت الماي ينظفني اثاري الماي يرادله ماي ماي هنياله الي
يغسل بالاردن وسوريا يابويه ويا يابه بعد ماضل لا عجيب ولا غرابه وجثير من العراقين علينه صاروا اذيابه اه يايابه عبالي الحكومه تجيب صابون الدوف يايابه اشو بقينه على الحصه وبعد
ماكو لا وغف ولا نظافه ولابوك ولابو القهر لابوك لابو الي ترجى حنانك لابوك ))
اما العراقي في اوربا وامريكا من يفوت للحمام يدندن يكول (( الدنيا ربيع والجو بديع
قفلي على كل المواضيع مفيناش تاني تاني تاني ايه ده الدنيا ربيع والدنيا حلوه سلامتها حلوه
احنا الي نصوغ معانيها )) عيني والماي ينزل على جسمه عبالك ماي ورد وصبلي من دوشك ماي
ورد حاظر ياعمري ومستعد
هسه نريد نعرف من الاعضاء من يفوت للحمام شنو يدندن اني من افوت طبعا الحمام مالي رومانسي مابيه كلوبات كله شمعدان مال شموع والبانيو صح مزروف بس لونه وردي يخبل
والصابونه مالتي بيها نقشه مال فالنتاين والليفه قماش كودري مشجر احمر والدوش مالتي
مايطلع ماي كله عصير برتقال وكوكتيل فواكه
اني ادندن دائما اغنيه دالي عوفني رحمه على ابيك
لو حسام الرسام اله ابجيها :z07: :z025: