مجروحه في رحلة بالصحراء الكبرى

[مجروحه]

مدخل ..

من زمان عنكم ..

سلخير عليكم .. جميعاً ..

وحشتوني .. ولسه حتوحشوني كمان وكمان ..

والحاضر يبلّغ الغايب .. والغايب هالله هالله عليه ..

ودي أكتب قصة زي زمان ..

لكن خيالي مو راضي يشطح أبد ..

كله صوب الخواطر .. والخيالات المريرة ..

وصباحات الألم ..

متعووووووووودة دايماً على النكد ..

سوداودية النظرة .. عريضة المنكبين ..

لكن اليوم قررت آخرج من هذا الجو ..

وأروح في الجوّ عبر القارات ..

فتشت وفتشت ياولدي .. وبين فكرة وفكرة جتني فكرة ..









سرد ..

في لحظة تجلّي .. قررت السفر للسودان ..

قلت أجيب بضاعة .. من الجِمال .. لمزايين الإبل ..

ودلكة سودانية للسيدات الجميلات والشينات ..

لبست الساري السوداني .. ماأدري إذا إسمه صح وإلا لا ..

وسويت بروزناج .. وجعدت شعري ..

ودخلت دورة مكثفة في المنتديات السودانية ..

وتابعت التلفزيون السوداني ..

وحجزت على متن خطوطهم ..

وأول ماتكلم الكابتن .. كان ودي أنزل من الطيارة

لكني لقيتني مربوطة بحزام ماينفتح ..

وكان مما قاله ..

ياأزوال وزولات ..

أييييييييييييييييييييييييييييييييييييييييييييييييي ي

ماطار طير وأرتفع إلا كما طار وقع ..

وقع قلبي وطارت حمامته صوب مضارب مطلع الشمس ..

وقلت مالي ومال هذي الشغلة ..

لكن إللي هوّن عليّه جاري في المقعد إللي جانبي ..

كان يعزف على الوتر الخامس ..

ويغني قصت ظفايرها ودريت .. البارحة جاني خبر .. بس بالسوداني ..

مما هوّن عليّه الرحلة الشاقة ..

المهم لما وصلت الطيارة وجدت في إستقبالي صديقي الأسد ..

وفي إيده بنفسج .. الظاهر سمع عن خاطرتي حنين البنفسج ..

ومعاه واحد سوداني .. مسحلج .. شكله من الصومال ..

غمضني .. ( لغير الناطقين بالإماراتية .. والسودانية .. يعني أشفقت عليه )

ففرشت بسطة على ارضية المطار ..

وطلعت من الجفير خبز مشاوي ( مشاوى هو عصير السمك )

ودلة حليب كرك .. والطيايير فوقنا تحلّ واطير ..

المهم قالي الأخ عسمانين ..

يازولة غولي لي وش ودك تشترين من سوداننا الجميل ؟!

غلت له .. يازول ودي بحور ونوق وقعدان وبعران !

دار راسه يمين وشمال .. فوشوشه صديقي الأسد ..

قال : أأأأأأأأأأأأأأأأأأأأأييييييييييييييييييييييييييييي فهمتوا دا الحين ..

المهم أجرنا بيك أب .. لونه كحلي منيّل بنيله ..

وودوني الصحراء الكبرى ..

وخذوا معانا كلاب وزحافات ..

بنصيد بعران .. :

صرفت نظر عن الشرا .. أبغي أقنص ..

المهم ..

قنصنا 100 من النوق البيض

و100 من النوق السود ..

و100 من البنيات ..

ماشاءالله عليّه ..

وعطيت عسمانين .. وربيعه 200 دولار ..

والأسد عطيته جوريه ..

ورجعت الإمارات ..

أنتظر نوقي اللي بياخذوني إلى الثراء من أوسع أبوابه ..


ووزعت الدلكه على صديقاتي ببلاااااااااااااش .. كريمة ..

المهم ..

أشوف رقم غريب .. مارديت ..

والمرة العاشره يوم رديت وياريتني مارديت

أسمع صوت صديقي الأسد يزأر وعسمانين يصيح ..

جمعية الألوية الحمراء الإيطالية سرقت النوق ..

فوقعت مغشياً عليه وأنتهت أحلامي في الثراء السريع ..

وصابني إكتئاب .. وإنفصام في الشخصية ..

والآن أنا سودانية ..

إسمي نبوية ..

وفي البراري دايرة ورا الضبان على بالي بعران ..

فقدت هويتي ..

أرجوكم ساعدوني ..

وهاتوا بعراني من المافيا الإيطالية يالنشامى ..

لاتخذلوني ..









مخرج ..

لاتسافر للسودان في الصيف تراها حارة .. واااااااااااااايد وشمسهم قريبة ..










مايستفاد من القصة ..


لاتحلم بالثراء السريع ..

لاتترك بضاعتك لوحدها ..

إعمل دراسة جدوى قبل القيام بأي مشروع ..

[عاشق المستحيل 1]

اممممم حيو مجروحه تحياتي الج

[!___هٍَّـآٍمَّـلًٍتًًًٍَ√]

بنصيد بعران .. :
ههههههههههههه
تحياتي للغاليه
طح طح طح طح طح
هسه بديت افق لك يا مجروحه يا غاليه
تقبلي مروري عيناي

[مجروحه]

مشكوررررررررررررررين عاى مروركم الرائع